STOP SOPA…. Nan ke mata Internet

Posted by By at 20 January, at 06 : 19 AM Print

STOP SOPA…. Nan ke mata Internet

Si no hasi nada, pronto Internet lo muri pa hopi di nos. Si bo no ta na altura ainda di e lei S.O.P.A. ku merka ke ….. buska pa sa, i tuma akshon mesora.

Nan a sera www.megaupload.com kaba i lo bai sigi hopi mas. Djis aki ta tur e torrent sites nan i hopi video riba youtube lo disparse. Hasta sites nan pa stream i Google lo wordu afekta. Si e lei pasa nan lo no tin mag di link na site nan ku lo bira  illegal mas. Hasta informashon nan riba Wikipedia lo wordu sensura.  Imagina bo ku riba Facebook no ta tur kos por wordu di “share” ku otro mas paso esaki lo bira ilegal i lo no tin mag mas. Tur e esensia kual internet ta wordu husa pe ta disparse bou di un kortina di lei nan kual aparente mente ta pa proteha copyrights pero di otro banda ta elemina LIBERTAD di komparti “knowledge” i “infomation” ku otro.

Prome nos trata di splika kiko tur e lei nobo aki ta ensera, laga nos informabu di sierto site nan ku lo sera pa di e manera aki demostra nan mal kontentu kontra e lei aki. Sierto di nan ta par di e site nan di mas grandi i mas konosi. Wikipedia ja kaba a hasi esaki kaba pa un dia, i ta konseha tur hende pa protesta. Pronto Facebook, Google, Ebay, Amazon i otro site nan hopi konosi lo tambe sera komo protesta. Nos ta sigur ku hopi di bosnan no lo survive un dia sin Facebook of Google. Dus kumisa plama e nieuws di STOP SOPA i pensa kiko bo por hasi.

SOPA

STOP ONLINE PIRACY ACT ta un lei ku a wordu introdusi dor di un miembro di partido republikano jama “Lamar Smith” ku un grupo di 12 miembro republikano i demokratiko di “Huis van Afgevaardigen” Merikano. E proposishon di e lei aki ta pa duna hustitia Merikano i hende nan ku auteursrechten derechi pa bai kontra  kompartishon online di bestand nan i bendementu di produkto nan no original (fake).

E lei lo permiti pa nan por hiba e website nan ku ta hasi esaki posibel dilanti, pa ultimamente por sera nan. Tambe nan kier prohibi sistema nan di paga online manera PayPal pa traha ku sierto site nan asina aki. Ademas nan lo obliga  search engines nan manera Google pa no mustra site nan ku ta hasi akto nan kontra di e lei aki komo respuesta ora bo buska algu. E lei lo por demanda kompania nan di Internet (ISP) pa blokia sierto site nan, streaming di muziek i video lo bira un akto criminal i lo wordu kastiga.

Asina e lei nobo aki tin jen manera mas pa sensura hopi kanal nan riba inernet kual ta elimina libertad online. Ta manera nos ta dal stap bek den pasado i draai tempu bek.  Dimes tin un otro banda kual ta auteursrechten nan kual ta wordu viola i kaminda hopi sen ta bai perdi. Hopi di nos ta hasi uso ilegal di kos nan riba internet. Pero sin ta pa esei hopi artista of programa nan no lo a haña e “exposure” ku nan lo tin. Si mester a paga pa tur kos, hopi hende ku konosementu di kos lo ta menos ku awor aki. Esaki ta kai bou di desaroyo nan di e kenniseconomie ku nos ta aden.

Nos ta hopi interesa na bosnan su opinion riba esaki. Please komparti ku nos bosnan idea ki lo por hasi pa bringa e desaroyo nan i kon e kos aki lo bai afekta mundu.

Blog General News , , , ,

Related Posts

One Comment

  1. Ange, 2 years ago Reply

    Echt un grupo di hende ku no tin net net nada di hasi.

    Nan por bien “paga” internet mes numa.


Post Your Comment

About Us

Malprensa.com ta un blog & news site ku ta trese un gran variedat di topiko nan dilanti . E articulo nan ta wordu publica I update diaria mente. Nos ta duna e leente news den differente kategoria nan manera: music, sports, gadgets, humor, sarcasme I hopi sorto di bullshit mas.

No ta nos intenshon pa insulta niun hende, pero nos huso di language por ta un tiki vulgar I suggestivo kual no lo kai na agrado di tur bishitante di nos website