Geert Wilders su speech na "Ground Zero" New York

Posted by By admin at 12 September, at 08 : 49 AM Print

“Geert Wilders” lider di partido PVV kual semper a soru pa kontroversia a duna su speech ayera na New York kontra di e planes nan pa traha un Moskee na Ground Zero kaminda e atake teroristiko nan a tuma luga september 11. Pa di tantu biaha e la deskribi religion Islam komo intolerante, i ku burgemeester di New York “Micheal Bloomberg” no mester Laga nan traha un Moskee na e sitio aki.

Dilanti di 100 pa 300 hende Geert Wilders a duna su speech kaminda e a bisa ku bou di niun sirkunstansia mester bin un Moskee na Ground zero. Klik aki pa lesa e speech ku e a duna.

E desishon pa duna un speech na New York a influesha e formamentu di kabinete kaminda partido CDA tabata tin problema ku sierto akto nan asina aki di Geert Wilders i su partido. Nan no ke pa hende asosia akto nan manera Geert a hasi ayera ku gobiernu di Hulanda. Pero ayera mes no ta tin masha ineteres di Tweede Kamer pa e speech di Geert Wilders. Par di miembro di Tweede Kamer a publika par di komentario riba Twitter pero te eynan kos nan a keda.

Nos ta spera ku meneer Wilders ta kontentu awor, aunke nos no sa ki e kier a logra ku su speech. Miles di Merikano a reklama e situashon kaba, diripiente ta salu  un hombu foi Hulanda ku kabei blanku pínta pa bedei nan un kos ku nan sa kaba. Pa kolmo ku niun hende ey no konose.

Nos ta spera awor ku tur kos a pasa e Merikano nan por sigi biba ku otro den harmonia i no laga religion ta un obstakulo pa union i pas.

News 9/11, Geert Wilders, Ground Zero