Apps nan pa bida real

Posted by By at 21 June, at 17 : 53 PM Print

Apps nan pa bida real

Awen dia tin sierto apps nan ku hende nan no por sin dje mas. Hopi hende lo muri si jega un dia ku nan ta kita ping whats app of otro medio nan di komunikashon. Pero den nos bida diario tambe ta hopi handig pa nos tin sierto apps nan. Den e kaso aki nos ta jama e apps nai amistad.

1. E amigu responsabel. Bo sa ku ora bo pensa pa kore auto marduga lus paga asina? semper tin e amigu of amiga ku ta bisabu no loko bo ta?. Of ora bo kore ta bon idea  di traha un flamethrower door di kwe un Lighter i un bleki di baygon? Ken bo por konta kune pa stop bo di hasi e koi loko nan aki?….juist e app (amigu) aki. Tambe e ta hopi bon pa ora bo tin yu i bo tin gana di revivi bo hubentud iresponsabel un ratu. Bo por konta semper kune pa ta un bon babysitter ku no ke hasi koi pastoor kubo yu.

2.E fix me app. E amigu aki niun hende no sa unda e ta traha i kiko e ta hasi pa bida. Pero di un manera of otro semper e tin sen. Si bo no tin trabou konsulta ku e app aki semper e sa di un hende ku konose un hende ku ta ruman di un otro hende ku a jega drumi ku mama di otro hende trobe ku debele un fabor. Siguente dia mes nan ta belbo pa ofresebu trabou.  Tambe ta hopi util ora bo mester di ganga. Ay bo mester di un telefon riba bara tio tio tio, no worri e swa aki semper tin connections. Pero nunka no puntre di unda e a saka nan paso semper bo ta haña e mesun respuesta. Se no bo mes sa no kio kio nai sa kaba.

3.E app ku hopi biaha bo no ke huza pero bo por konta semper kune. E amigu ku ta kla pa bringa. Un hende a pasa dal den bo i hasta pidibu sorry den fiesta e app aki ta bai buska e hende i bisele tende aki chalie bo a kana dal den mi jave i bo a pide sorry pero mi ta haña bo por a pidi sorry mas duru i ku kara mas mas lief. Tambe e por hinkabu den hopi problema paso aunke ta abo kune so kontra 30 hombu e ta bati boka ketu kaminda abo ta kla pa bai kas kaba.

4. E auto app. Ora bo tabata jong esaki tabata e prome amigu ku tin auto. Tur hende tabata bon jave kune paso nan tatin mester di un lift pa fiesta (bo mes sa bus no ta kore marduga). Ora bo bira mas bieuw ku tur hende tin auto e ta djis kambia un tiki. E ta bira e app ku tin auto grandi/pickup/truck. Imaginabu buboei ex kasa di Nena a muri i e a laga un set di stoel ku kos kampeon. Nan ta bisabu bo por hañe pero bo tin ku bai kune awe si, sino Johny ta pasa kwe. Ken bo por bel ku tin un manera pa transporta bo karga?………. Sa kaba

5. Un di e apps (amigu) mas util kubo por tin. E amigu ku bon trabou ku por help bo out. Bo ta bro ku un app polis? no problem e por fix kita bo boet nan. App ku ta traha den pakus? e ta fix e paña nan barata pabo. App ku ta traha na luga di computer? e ta drecha bo computer i zoru pa bo haña e programma nan (legal dimes) gratis of na prijs di baka flaku.

Ki apps mas ta usefull pa nos bida diario? kompartie ku nos.

General

Related Posts

Post Your Comment

About Us

Malprensa.com ta un blog & news site ku ta trese un gran variedat di topiko nan dilanti . E articulo nan ta wordu publica I update diaria mente. Nos ta duna e leente news den differente kategoria nan manera: music, sports, gadgets, humor, sarcasme I hopi sorto di bullshit mas.

No ta nos intenshon pa insulta niun hende, pero nos huso di language por ta un tiki vulgar I suggestivo kual no lo kai na agrado di tur bishitante di nos website