12 NERVIO di Pasku……

Posted by By at 30 November, at 08 : 01 AM Print

12 NERVIO di Pasku……

Temporada di fiesta ta na kaminda i nos na Korsou tin sierto tradishonan ku nunka lo nos laga los (mi ta spera anto). Pero laga nos komparti kubo sierto kos nan di pasku ku nos no gusta. Nos tin sigur ku tur hende sa pasa den nan pero no ta papia riba dje. Awel pesey nos tey. Nos ta sin eskrupulos i nos si ta papia pabo sin miedu. Tur dia nos lo bini ku un Nervio di pasku nobo pabo style di the twelve days of Christmas.


Lus nan i dekorashon nan di pasku i kerstboom

Ken pero ken por splika e misterio tras di lus di kerstboom i dekorashon di kas. Dikon semper nan ta mara nan mes na konopi?. Bo ta sinta lora nan nechi nechi hinka nan den kaha i warda nan. Siguente aña tog nan ta lora den otro brutalmente di moda ku sin pasenshi nan no por wordu huza mas. Bo lo keda bringa ku lus 1 siman largu si bo disidi di husa nan tog. Ora porfiiiiiiiiiin bo logra losnan semper tin un serie di 10 lus of mas ku no ta traha. KI KROU ANTO ??? ora un lus no traha parse e otro nan tambe ta join in I keda sin traha. Ta miho nan bende e lus nan ku un karta aserka bisando bo…HAHA…fuck you! . Despues di tur e baina aki bo ta realisa ku e lus no ta nechi tog I ta kumpra un nobo. Otro aña mesun kos atrobe. Ta pesei hopi hende a stop di dorna manera antes, nan pasenshi a kaba.

Una bes nos pega e lus nan flohera ta take over. Nan ta keda kologa hinter aña. Dia bo hasi aña of otro hende den kas ta di fiesta bo ta gaña sende nan. Hende nan ta bin fiesta bisabu hey bo a dorna nechi…den bo mes bo ta pensa: HA !! mare bo ke sa ku ta foi pasku aña pasa nan tey. Despeus di un ratu (lunas nan largu) e lus nan ta bira manera rasenchi den solo I krimp I kibra ku ko. Ni asina bo no ta kita nan bo ta djis wak nobo I buta banda of riba e bieuw nan.

Dikon tin tantu fanfara rondo di kumpramentu di kerstboom asina. Bo hende nan ta keda kansa bo pa bai ku nan pa ora nan kumpra kerstboom, abo pone den bo auto i keda ku spiña nan den bo auto pa un eternidat. E spina nan ta drenta bo tapijt manera bichi di tera i no ke Sali. Si ta kerstboom grandi nan ke, bo mester mare riba bo dak, raspa tur bo auto. Hende nan ku pick-up ta viktima den December. Tur hende ta kansa nan

Semper kerstboom ta bira manera un komptensia tambe. Apenas ba drenta un hende su kas , nan ta kuri bisa: Ami ta PLANTATION mi tin!… I ta lubida ku pasku ta bai over di nansementu di kristu. Bo tin mai sinti bo malu ku bo palu di pasku ku tres taki. Anto no laga nos ni kuminsa ku e prijs nan di kerstboom. Bo ta kies un palu jen style puntra nan ki prijs, swa ta bisa bo 185 florin (bo kara no tin wesu?), mesora bo ta duik den esun nan mas chiki i lower bo standards. Bo ta konvense bo mes ku e Kerstboom sin blachi manera karpachi ey no ta dje malu tog. Ora jega kas no ta kla ahinda. ta komienso di mas pompamentu. Ban saka kaha ku adornashon ku tin mil aña para i ku ta adorna ku pupu di raton ku djaka, sin konta tur e insecto nan of hasta un lisinbein(duizendpoot) ku ta kore rond spantá manera homber nan ora nan kasá jega campo. Tur esten un otro kens den huki ta purba pone e palu den e standard. Dikon e hende nan no ta korta e palu recht. Atabo tin ku zaag pida afo pa despues e no pas den e standard tog. Paso abo pichiri 3 aña pasa a kumpra e standard di mas chiki ku net un taki ta pas aden. Atabo ku emmer ku pieda ta purba ta kreativo.

Ora bo kumisa dorna, semper tin un miembro di famia plega ku spuitbus di sneeuw pa pompa bo kerstboom pa bo….. anto dikon semper nos kens ta laga te ora tur kos ta dorna pa pone e strea? Ata bo ta subi I rek pa purba pone strea i laga kerstboom i tur suta bou. Asina kobamentu di moms ta kumisa den dia nan di pas i reflegamentu. Ta nos mes ta buske.  Eigenlijk un kertsboom artifisial no ta un mal idea. Skapa sen, spiña (blachi) I tiramentu afo of kimamentu. Pero ata! Ta tradishon berdat, I e holo ta konta. Wel habri un boter di pine-sol bo handel swa…

Majan nos ta sigui e countdown ku #11

Blog General , , , ,

Related Posts

Post Your Comment

About Us

Malprensa.com ta un blog & news site ku ta trese un gran variedat di topiko nan dilanti . E articulo nan ta wordu publica I update diaria mente. Nos ta duna e leente news den differente kategoria nan manera: music, sports, gadgets, humor, sarcasme I hopi sorto di bullshit mas.

No ta nos intenshon pa insulta niun hende, pero nos huso di language por ta un tiki vulgar I suggestivo kual no lo kai na agrado di tur bishitante di nos website